ائرفورس کا تربیتی جہازگرکرتباہ…پائلٹ شہید

مستونگ(الصفوت نیوز)بلوچستان کے صوبےمستونگ کےعلاقے کھڈ کوچہ میں پاک فضائیہ کا تربیتی طیارہ گر کر تباہ ہوگیا،جس کے نتیجے میں پائلٹ شہید ہوگئے۔ترجمان پاک فضائیہ کے مطابق ایف سیون پی جی معمول کی تربیتی پرواز پر تھا کہ مستونگ کے علاقے کھڈ کوچہ میں گر کر تباہ ہوگیا۔
ترجمان کے مطابق اس اندوہناک حادثے میں طیارے کے پائلٹ لیفٹیننٹ طاہر نے جام شہادت نوش کیا۔واقعے کے فوری بعد ریسکیو اور فائر بریگیڈ کا عملہ جائے وقوع پر پہنچ گیا اور ریسکیو اور سرچ آپریشن جاری ہے۔
ترجمان پاک فضائیہ کے مطابق حادثے کی وجوہات جاننے کیلئے ایئر ہیڈکوارٹرز میں ایک بورڈ آف انکوائری تشکیل دے دیا گیا۔دوسری جانب ڈی سی مستونگ ممتازکھیتران کا کہنا ہے کہ پاکستان ایئرفورس کا طیارہ فنی خرابی کے باعث گرا ہے۔