چارسدہ میں دن دھاڑے تین بھائی قتل ملزمان فرارہونے میں‌کامیاب

چارسدہ(الصفوت نیوز)چارسدہ کے مضافاتی علاقہ علی جان کلے میں نامعلوم مسلح افراد نے گھر میں گھس کر تین بھائیوں کو موت کے گھاٹ‌ اتاردیا مقتولین میں ایک بھائی ایف سی سپرنٹنڈنٹ ایک پولیس کانسٹیبل اور تیسرا کاروباری تھا ۔

چاسدہ کے تھانہ عمر زئی کی حدود میں واقع علاقے علی جان کلے میں نامعلوم افراد نے گھر سے متصل حجرے میں گھس کر فائرنگ کردی جس کے نتیجے میں 3 افراد موقع پر ہی جاں بحق ہوگئے جب کہ ملزمان فرار ہونے میں کامیاب ہوگئے۔

پولیس کے مطابق مقتولین بھائی تھے اور ان کی شناخت شبیر، سجاد اور کاشف کے نام سے ہوئی ہے۔ شبیر ایف سی سپرنٹنڈنٹ، سجاد پولیس اہلکار اور کاشف کاروبار کرتا تھا۔

ابتدائی تفتیش کی روشنی میں واقعہ جائیداد کے تنازع کا شاخسانہ لگتا ہے۔ تہرے قتل کی ایف آئی آر درج کرلی گئی ہے اور ملزموں کی گرفتاری کیلئے مختلف جگہوں پر چھاپے مارے جارہے ہیں۔