بالائی علاقے شدید سردی کے لپیٹ میں /برف باری نے سفید چادراوڑلی

مری/گلگت(الصفوت نیوز)پاکستان کے بالائی علاقوں میں ایک بار پھر برفباری نے رنگ جما دیا، درجہ حرارت منفی 14 تک گرگیا۔تفصیلات کے مطابق گلگت بلتستان کے تمام اضلاع میں بارش اور برف باری کا سلسلہ تاحال جاری ہے جسکی وجہ سے دیامر، بلتستان اورگلگت ڈویژن میں برف باری سے سردی میں‌شدید اضافہ ہوگیا گلگت شہر میں برفباری سے ہرطرف سے سفیدی چھاگئی، وادی بگروٹ سمیت نلتر اور ہنزہ نگر کے بالائی علاقوں میں شدید برفباری سے لوگ گھروں میں محصور ہوکر رہ گئے۔دوسری جانب حسین وادی مری اور گلیات میں بھی برف باری نے سابقہ ریکارڈ توڑدیئے،سردی میں‌اضافے کے باوجود ہزاروں سیاح برف باری سے لطف اٹھانے ان علاقوں میں پہنچ گئے.
محکمہ موسمیات کی پیشگوئی کے مطابق مذکورہ علاقوں میں مزید بارشیں اور برف باری کے امکانات ہیں.