نوازشریف کیخلاف ریفرنسز: جج آج بھی فیصلہ تحریر کریں گے کہ نہیں؟

اسلام آباد: سابق وزیراعظم کے خلاف قومی احتساب بیورو(نیب) کی جانب سے العزیزیہ اور فلیگ شپ ریفرنسز کا فیصلہ آج چھٹی والے دن بھی تحریر کیا جائے گا۔ذرائع کا کہنا ہے احتساب عدالت نمبر دو کے جج ارشد ملک گزشتہ شب بھی کافی دیر تک فیصلہ تحریر کرتے رہے ہیں اور آج اتوار کے روز بھی فیصلہ تحریر کریں گے۔عدالتی عملے کی بھی ہفتہ وار چھٹیاں منسوخ کردی گئی ہیں جب کہ فاضل جج بھی ہفتہ اور اتوار کو عدالت پہنچے ہیں۔ سپریم کورٹ کے حکم کے مطابق احتساب عدالت 24 دسمبر کو العزیزیہ اور فلیگ شپ ریفرنسز کا فیصلہ سنائے گی۔نواز شریف کے خلاف کرپشن ریفرنسز میں فیصلہ محفوظ احتساب عدالت کی جانب سے بدھ 19 دسمبر 2018 کو فیصلہ محفوظ کیا گیا تھا۔خواجہ حارث کے معاون وکلا نے جمعہ کے روز یو کے لینڈ رجسٹری سے متعلق دستاویزات احتساب عدالت میں جمع کروا دیے ہیں جوکہ حسن نواز، کی فروخت شدہ پراپرٹی سے متعلقہ ہیں۔ سابق وزیراعظم نوازشریف نے احتساب عدالت سے استدعا کی تھی کہ نیب کی جانب سے دائر ریفرنسز کا فیصلہ 24 کے بجائے 26 دسمبر کو سنایا جائے جسے مسترد کردیا گیا تھا۔ فاضل جج نے ریمارکس دیے تھے کہ پوری کوشش ہوگی کہ فیصلہ مقرر تاریخ کو ہی سنا دیا جائے۔