چیک پوسٹ حملہ…علی وزیر سی ٹی ڈی کے حوالے

پشاور(الصفوت نیوز تازہ ترین )شمالی وزیرستان میں سیکیورٹی چیک پوسٹ پر حملے کے الزام میں گرفتار رکن قومی اسمبلی علی وزیر کو 8 روز کے لیے کاؤنٹر ٹیررازم پولیس کے حوالے کر دیا گیا۔علی وزیر کو گزشتہ روز بویہ میں مسلح افراد کو چیک پوسٹ پر حملے کے لیے اکسانے کے الزام میں گرفتار کیا گیا تھا۔ذرائع کا بتانا ہے کہ آج علی وزیر کو بنوں میں انسداد دہشت گردی کی عدالت میں پیش کیا گیا۔ذرائع کے مطابق انسداد دہشت گردی عدالت کے جج نے علی وزیر کو 8 روز کے لیے سی ٹی ڈی کے حوالے کر دیا۔ذرائع کا بتانا ہے کہ ممبر قومی اسمبلی علی وزیر کو پشاور منتقل کر دیا گیا ہے۔