ملالہ یوسفزئی نے بھی لندن میں‌پاکستانی ٹیم کی سپورٹ کا اعلان کردیا

لندن(الصفوت نیوز تازہ ترین) عالمی نوبل انعامِ یافتہ پاکستانی طالبہ ملالہ یوسف زئی ورلڈکپ 2019 میں پاکستانی ٹیم کو سپورٹ کررہی ہیں۔

تفصیلات کے مطابق بکنگھم پیلس میں کرکٹ ورلڈ کپ 2019 کی افتتاحی تقریب سے آغاز ہوا جبکہ میگا ایونٹ کا آغاز باقاعدہ کل سے ہوگا، بکنگھم اس موقع پر عالمی نوبل انعامِ یافتہ پاکستانی طالبہ ملالہ یوسف زئی نے کرکٹ 360 میں اظہر علی کے ساتھ پاکستان کی نمائندگی کی۔

قبل ازیں ورلڈ کپ میں حصہ لینے والی تمام ٹیموں کے کپتانوں ملکہ ایلزبتھ سے ملاقات کی۔ ورلڈکپ کی افتتاحی تقریب میں قومی کرکٹ ٹیم کے کپتان سرفراز احمد نے روایتی شلوار قمیص اور سبز رنگ کا کوٹ زیب تک کیا ہے۔

یاد رہے کہ ورلڈکپ 2019 کا افتتاحی میچ جنوبی افریقا اور انگلینڈ کی ٹیموں کے مابین کھیلا جائے گا، ڈیل اسٹین کو کاندھے کی انجری کے باعث میچ میں آرام کا موقع دیا گیا۔