عدالت عظمی کے نئے چیف جسٹس نے حلف اٹھالیا

اسلام آباد:(رپورٹ الصفوت)جسٹس آصف سعید کھوسہ نے پاکستان کے 26 ویں چیف جسٹس کی حیثیت سے گذشتہ روز حلف اٹھالیا۔ایوان صدر میں ہونے والی باوقار تقریب میں صدر مملکت ڈاکٹر عارف علوی نے جسٹس آصف سعید کھوسہ سے حلف لیا۔
تقریب حلف برداری میں وزیراعظم عمران خان بھی موجود
حلف برداری کی تقریب میں سپریم کورٹ کے حاضر سروس اور ریٹائرڈ ججز شریک ہوئے۔وفاقی کابینہ اور پارلیمنٹ کے ارکان کو بھی حلف برداری میں شرکت کی دعوت دی گئی تھی جبکہ مسلح افواج کے سربراہان، سفارتکار اور دیگر شعبوں کے افراد بھی شریک ہوئے۔حلف برداری کی تقریب میں مختلف ممالک کے چیف جسٹس صاحبان اور سینئر ججز کو بھی مدعو کیا گیا تھا.تقریب حلف برداری کے بعد چیف جسٹس آصف سعید کھوسہ سپریم کورٹ پہنچے، جہاں انہیں گارڈ آف آنر دیا گیا