سعودی عرب میں کام چور ملازمین کیلئے نیا فتویٰ جار

جدہ(الصفوت نیوز) سعودی عرب کے مشیر ایوان شاہی رکن سربراہ علماء بورڈ شیخ عبداللہ المنیع نے کہا ہے کہ ڈیوٹی میں کوتاہی اور لاپرواہی برتنے والے ملازمین سے خیر کی کوئی امید نہیں رکھنی چاہیے، ایسے ملازمین اس ملک میں زندگی گزارنے کے اہل نہیں جس کیلئے وہ مفید نہ ہوں۔
مشیر ایوان شاہی رکن سربراہ علماء بورڈ شیخ عبداللہ المنیع نے کہا کہ ایسے لوگ اللہ سے ڈریں، ان پر لازم کی جانے والی ڈیوٹی کو سنجیدگی سے ادا کریں اور اپنی ذات، ملک اہلِ خانہ کیلئے بہترین ثابت ہونے کی کوشش کریں۔
شیخ عبداللہ المنیع نے سعودی عرب کے ایک ٹی وی چینل کو انٹرویو دیتے وقت پوچھے گئے ایک سوال کے جواب میں بتایا، ان سے سعودی شہری نے سوال کیا تھا کہ ڈیوٹی دینے میں کوتاہی کرنے والے ملازم کے بارے میں شریعت کیا کہتی ہے؟مشیر ایوان شاہی رکن سربراہ علماء بورڈ کا کہنا تھا کہ انسان کو خدا ترس ہونا چاہیے۔ اللہ کو طاقتور مومن کمزور مومن سے زیادہ عزیز ہے۔ ان کا مزید کہنا تھا کہ ایسے نکمے لوگ ملازمت کے حقدار نہیں ہیں۔