سونے کی قیمتوں میں 800 روپے فی تولہ کی مزید کمی

کراچی: ملک بھر رواں ہفتے میں سونے کی قیمتوں میں دوسری بار کمی کر دی گئی ہے جس کے بعد فی تولہ سونے کی قیمت 67 ہزار روپے ہوگئی ہے۔

سندھ صرافہ بازارایسوسی ایشن کے مطابق ملک بھر میں فی تولہ سونے کی قیمت 800 روپے کمی کےبعد 67 ہزار روپے ہوگئی ہے جبکہ دس گرام سونے کی قیمت 686 روپے کمی کے بعد 57 ہزار 442 روپے تک پہنچ گئی ہے۔

واضح رہے گزشتہ دنوں سونے کی قیمت تاریخ کی بلند ترین سطح پر پہنچ گئی تھی سونے کی فی تولہ قیمت 1450 روپے اضافے سےتاریخ کی بلند ترین سطح 67 ہزار800 روپے تک پہنچ گئی تھی ۔