اب طویل سفرآسان….پاکستان میں نئے سلیپنگ بس متعارف

کراچی(الصفوت نیوز) بس کے ذریعےطویل سفر کرنے والے مسافروں‌ کیلئے خوشخبری……. اب کراچی سے کوئٹہ کے درمیان ایسی بس سروس شروع کردی گئی ہے جس کے ذریعے مسافر طویل سفر ہی کرنا چاہیں گے۔کراچی سے کوئٹہ سفر کرنے والے افراد کے لیے جدید سہولیات اور آرام دہ سفر کے لیے ‘سلیپنگ بس’ متعارف کرادی گئی ہے جس میں مسافروں کے سفر کا خاص خیال رکھتے ہوئے انہیں جدید سہولیات فراہم کی گئی ہیں۔کراچی کے علاقے صدر سے سہولیات سے بھرپور سلیپنگ بس کوئٹہ کے لیے ہر دو روز بعد روانہ ہوگی جس میں مسافرں کو کھانے، پینے اور سونے کی کوئی پریشانی نہیں ہوگی۔مسافر اپنی نشست پر پاؤں پھیلا کر سو سکیں گے اور اپنے سامنے لگی ایل ای ڈی پر پسند کی فلمیں بھی دیکھ سکیں گے۔بس کا تعارفی کرایہ صرف 3 ہزار روپے فی سواری رکھا گیا ہے جس میں مسافروں کو مفت کھانا اور مشروبات بھی فراہم کیے جائیں گے۔
ملکی سطح پر معیاری بس سروس متعارف کرانے والے کریم داد نے بس سروس کا سلوگن (سلیپ ویل لِو ویل) رکھا ہے، یعنی اب کراچی سے کوئٹہ کا تقریباً 10 گھنٹے کا سفر نہ صرف 7 گھنٹوں میں طے ہوگا بلکہ مسافرآرام دہ سفر سوتے ہوئے کرسکیں گے…