پشاوردھماکہ ……شہر ایک بارلرزاٹھا….

پشاور……صوبائی دارلحکومت پشاور کے کینٹ ایریا صدر کے وسط میں‌علی الصبح ایک کاربم دھماکے میں ایک محنت کش شہید اور کئی راہ گیر زخمی ہوگئے .تفصیلات کے مطابق یہ دھماکہ صبح آٹھ بجکر چالیس منٹ پر ہوا جس سے پورے شہر میں خوف وہراس پھیل گیا. امدادی ٹیمیں موقع پر پہنچ گئیں جنہوں نے ریسکیو کی خدمات سرانجام دیں .اس حوالے سے پولیس کے اعلیٰ حکام نے میڈیا سے بات چیت کرتے ہوئے بتایا ہے کہ اس دھماکے میں ایک غریب محنت کش نوجوان شہید جبکہ خاتون زخمی ہوگئی، میڈیا رپورٹس کے مطابق دھماکہ صدر میں واقع اہل حدیث جامع مسجد کے قریب ہوا جسکی سی سی ٹی وی کیمرے کی ویڈیو بھی جاری ہوگئی اور اس ویڈیو میں ایک شخص گاڑی لاکر باالکل مسجد کے گیٹ کے پاس کھڑی کردیتا ہے اور وہ گاڑی چھوڑ کر چلاجاتا ہے اسکے جانے کے دس منٹ بعد گاڑی میں‌سے زوردار دھماکہ ہو جاتا ہے .